Usa ka talagsaong istorya sa gugma ang nahitabo kang Carmen Andrade, usa ka conjoined twin nga naminyo sa iyang longtime boyfriend nga si Daniel McCormack, human sila nagkaila pinaagi sa dating app nga Hinge niadtong 2020.
Nagpakasal ang duha niadtong Oktubre 2024 sa Lover’s Leap Bridge sa New Milford, Connecticut, diin ilang gisaulog ang espesyal nga higayon uban sa ilang pamilya.
Si Carmen ug iyang twin sister nga si Lupita managdugtong sa lawas apan adunay kaugalingong personalidad, gusto ug mga desisyon sa kinabuhi.
Bisan pa man niini, suportado ni Lupita ang relasyon sa iyang igsoon ug gitahod ang desisyon ni Carmen nga magminyo.
Matud nila, importante alang nilang tulo ang bukas nga komunikasyon ug pagrespeto sa personal nga boundaries aron malikayan ang dili komportableng sitwasyon.
Para kang Carmen ug Daniel, ang ilang istorya dili lamang bahin sa kaminyoon, kundili usab sa pagsinabtanay ug pagdawat sa usa’g usa bisan pa sa talagsaong kahimtang sa ilang relasyon.
Samtang si Lupita, nga wala naminyo, nagpabiling suod sa magtiayon ug mitan-aw kang Daniel isip bahin na sa ilang pamilya.