Gipadayag ni House Prosecution Panel spokesperson Rep. Zia Alonto Adiong nga posibleng dili na kinahanglan ipatawag isip testigo si Colonel Raymund Dante Lachica sa impeachment trial batok kang Vice President Sara Duterte.
Matud ni Adiong, na-establisar na sa testimonya nila Gina Acosta ug Lemuel Ortonio ang giingong misuse sa confidential funds, lakip ang pagbalhin sa custody sa pondo ngadto kang Lachica bisan dili siya accountable officer.
Dugang pa ni Adiong, nga posible usab si Atty. Michael Poa ang mosunod nga testigo human sa testimonya nila Colonel Manaros Boransing ug usa pa ka opisyal nga nalambigit sa Youth Leadership Summit.
Samtang, bahin sa kahimtang ni kanhing Department of Education special disbursing officer Edward Fajarda, sigon ni Adiong nga gihatagan kini og duha ka semana nga recovery period human ma-assess sa doktor.