Gipasakahan na og kasong kalapasan sa Republic Act No. 9165 o ang Comprehensive Dangerous Drugs Act of 2002 ang mga naarestong usa ka Pilipino ug usa ka Chinese nationa human nasakmit gikan kanila ang kapin 100 ka kilo sa ilegal nga droga.
Ang maong droga gibana-banaang nagkantidad og P700 milyon ka pesos.
Nasikop sa Plaridel, Bulacan ang mga suspetsado gumikan sa pagbaligya ug pagpanghatag sa gituohang shabu ug cocaine atol sa usa ka operasyon nga gipahigayon sa Philippine National Police Drug Enforcement Group (PNP-DEG).
Sumala sa mga otoridad, ginasusi na karon ang nahitabong insidente ug ginatan-aw ang koneksyon niini sa mga gitawag nga floating shabu nga narekober sa Zambales ug Ilocos.
Sa pagkakaron nakakustodiya na sa kapulisan ang mga dinakpan, alang tukmang disposasyon.