DA, gipalig-on ang early-warning system batok sa over-supply sa gulay

Gipalig-on sa Department of Agriculture o DA ang market early-warning system aron malikayan ang sobra nga suplay ug pagkadaot sa mga ani sa mga mag-uuma.

Sumala kang Assistant Secretary Genevieve E. Velicaria-Guevarra, makatabang ang sistema sa regional help desks sa pagmonitor sa dagan sa mga produkto gikan sa umahan ngadto sa merkado. Pinaagi sa regular nga pagbana-bana sa ani ug farmgate prices, mas mapaayo ang pagplano ug mapugngan ang pagpahimulos sa mga middleman.

Naghatag usab kini og mga alerto sa logistics aron mas paspas nga makatubag ang gobyerno sa mga problema sa merkado.

Tumong usab sa DA nga ikonektar ang mga mag-uuma sa mga institutional buyers aron malikayan ang pag-usik sa sobra nga ani sa mga utanon