Sayo nga natapos ang kampanya sa mixed doubles ni Filipina tennis star Alex Eala ug sa iyang Canadian partner nga si Felix Auger-Aliassime human mapildi batok kang Elina Svitolina ug Gael Monfils, sa iskor nga 1-4, 1-4, sa unang hugna sa 2026 US Open mixed doubles.
39 minutos lamang milungtad ang ilang dula nga gigamit ang FAST4 format, diin ang unang pares nga makakuha og upat ka game maoy modaog sa set.
Maayo ang pagsugod nila Eala ug Auger-Aliassime human makuha ang unang game sa unang set.
Apan mibalos dayon sila Svitolina ug Monfils ug nakadaog og upat ka sunod-sunod nga game aron makuha ang unang set, 4-1.
Sa ikaduhang set, nakalamang pag-usab ang Filipino-Canadian pair, 1-0, apan dali kining natabla sa ilang mga kontra.
Sa ulahi, napildi sila sa ikaduhang set, 4-1, aron matapos ang ilang kampanya sa mixed doubles.