Gitan-aw sa prosecution si Lemuel Ortonio isip usa ka importanteng hostile witness sa impeachment trial ni Vice President Sara Duterte, ilabina sa pag-establisar sa iyang papel ug koneksyon sa paggamit ug pag-liquidate sa P500 milyon nga confidential funds.
Matud ni Representative Chel Diokno, lahi ang hostile witness sa ordinaryong saksi tungod kay kasagaran dili kini boluntaryong makigtambayayong sa prosecution.
Apan gilauman nilang mahimong mahinungdanon si Ortonio tungod sa iyang background ug relasyon sa Bise Presidente.
Matud pa ni Diokno, makita sa mga testimonya ni Ortonio ug kanhi Special Disbursing Officer Gina Acosta nga dili lamang pagpatuman sa paggamit sa confidential funds ang nalambigit, kondili apil usab ang pagplano ug pag-liquidate niini.
Gipaabot sa prosecution nga magpadayon ang pagpresentar og mga ebidensya ug dugang nga mga saksi kalabot sa Article One nga nagtutok sa paggamit sa confidential funds.