Dili na lamang buhok sa ulo ang ginapakuloran sa pipila ka batan-ong babaye sa China, tungod kay lakip na usab sa ilang bag-ong beauty trend ang buhok sa ilok.
Imbes nga ahiton ug itago, ilang gi-bleach una kini ug dayon gipakuloran og hayag nga shades sama sa pink, purple, blue ug gold.
Giisip kini sa mga misunod sa trend isip porma sa self-expression, personal nga estilo ug body positivity, ilabina sa pagdawat sa natural nga buhok sa lawas.
Mibutho usab ang interes sa maong trend sa social media, diin lain-laing reaksyon ang nadawat.
Adunay nalingaw ug nakadayeg, samtang adunay uban nga nangutana sa kaluwasan sa paggamit og bleach ug hair dye sa sensitibong bahin sa lawas. ]Busa pahimangno sa mga eksperto, kinahanglan mag-amping sa paggamit sa maong mga produkto tungod kay mahimong hinungdan kini sa iritasyon o allergic reaction sa panit.