Giakusahan ni Akbayan Party-list Representative Perci Cendaña si Vice President Sara Duterte nga naglikay sa mga tulubagon human mipahibalo kini nga dili personal nga motambong sa impeachment trial batok kaniya sa Senado.
Matud ni Cendaña, wala na siya natingala sa desisyon sa bise presidente tungod kay wala usab kini mitambong sa mga miaging pagdungog sa House of Representatives.
Gipahayag usab ni Cendaña nga posible nga estratehiya sa depensa ni Duterte ang pagpadala sa iyang mga abogado imbes nga personal siyang motubag sa Senado, apan ang publiko mao ang labing naapektuhan sa desisyon ni Duterte tungod kay dugay na nga nagpaabot ang publiko nga hatagan og katin-awan ang mga isyu batok kaniya.
Gihimug-atan usab niini nga kaniadto, giingon nga sa Senado tubagon ni Duterte ang mga isyu batok kaniya, apan sa pagsugod sa trial, wala gihapon kini personal nga mitambong.
Giduso usab niini nga ebidensya, ug dili political loyalties ang mahimong basehan sa desisyon sa mga senador-judge.