Gisiguro sa lokal nga pangagamhanan sa dakbayan sa Malaybalay ang regular nga pagkolekta ug hapsay nga pagdumala sa basura sa siyudad, pinaagi sa City Environment and Natural Resources Office kon City ENRO.
Sa eksklusibong sa pakighinabi sa Bombo Radyo Radyo Mayor Jay Warren Pabillaran, gipadayag niini nga gitun-an ang sanitary engineered landfill isip usa sa mga posibleng solusyon sa umaabot nga waste management.
Gibanabana sa mayor nga ang maong proyekto mahimong mokantidad og ₱50 milyon hangtod ₱100 milyon, busa kinahanglan usab kini timbang-timbangon base sa gasto ug benepisyo alang sa siyudad.
Gibutyag usab sa mayor nga usa sa dakong hagit karon mao ang limitado nang lifespan sa landfill sa Kimambong.
Tungod niini, nag-andam na ang City ENRO og mga proposal alang sa solusyon, lakip ang pag-andam sa kasamtangang luna alang sa posibleng expansion ug pagpalig-on sa waste management system.