Upat ka maintenance worker patay human madasmagan sa express train sa Japan

Nakabsan sa kinabuhi ang upat ka mga maintenance worker human sila madasgan sa usa ka express train samtang naglimpyo sa daplin sa riles duol sa Shin-Kanuma Station sa amihanang bahin sa Tokyo, Hapon.

Subay sa report sa mga awtoridad sa fire department, naabtan sa mga responder ang tulo sa mga biktima nga naipit sa ilalom sa tren samtang ang usa nahilugar sa plataporma. Tanan sila daling gidala sa tambalanan diin opisyal silang gipahayag nga nakabsan na sa kinabuhi.

Wala ray naangol sa kapin 50 ka pasahero nga nagsakay sa maong tren. Ang maong trahedya giisip nga usa ka talagsaong insidente sa Hapon, nga naila sa tibuok kalibutan sa ilang estrikto ug taas nga sukdanan sa kasegurohan sa ilang railway system.