Nagkasinabot ang tulo ka koponan sa NBA—ang Cleveland Cavaliers, Denver Nuggets, ug Los Angeles Clippers—sa usa ka multi-team trade duha ka bulan sa dili pa ang opisyal nga pag-abli sa 2026–2027 NBA Season, subay sa taho sa Hoops Rumors Article.
Ubos sa maong kasabutan, nakuha sa Cavaliers ang batan-ong forward nga si Peyton Watson pinaagi sa usa ka sign-and-trade diin mipirma kini og $88-million nga kontrata alang sa upat ka tuig nga pagduwa, base sa detalye gikan sa NBC Sports News. Sa pikas bahin, mobalhin sa Los Angeles Clippers ang guard/forward nga si Max Strus. Aron makompleto ang pagbayloay, nadawat sa Denver Nuggets ang usa ka unprotected 2031 first-round draft pick gikan sa Cleveland ug 2032 second-rounder gikan sa Sacramento Kings.
Ang maong pagbayloay sa mga dulaador kabahin sa pagpalig-on sa tagsa-tagsa ka roster sa dili pa opisyal nga mosugod ang preseason sa Oktubre 3 ug ang regular nga kumpetisyon sa ulahing bahin sa maong bulan.