Nagkasabot ang Estados Unidos ug South Korea nga pamub-an og hapit usa ka semana ang ilang tinuig nga joint military exercises human gihulagway ni US President Donald Trump nga “inappropriate ug hostile” ang maong pagbansay-bansay.
Sumala sa Joint Chiefs of Staff sa South Korea, ang ilang Ulchi Freedom Shield (UFS) exercises matapos na karong Biyernes, Agosto 21, imbes nga moluntad hangtod Agosto 27. Gisugyot sa bahin sa US nga kanselahon na lamang ang ikaduhang hugna sa maong drill nga naglangkob unta sa mga counter-offensive operations.
Gipasabot ni Trump nga iyang gihimo ang maong desisyon agi’g pagrespeto sa iyang maayong relasyon sa lider sa North Korea nga si Kim Jong Un. Bisan pa man sa maong kalit nga pagbag-o sa eskedyul, mipasalig ang Pentagon nga magpabilin gihapon ang kaandam ug kasegurohan sa ilang militar sa maong rehiyon.