Usa ka talagsaong insidente ang nahitabo sa India human giluwas sa mga kapulisan ang usa ka lalaki nga hapit lima ka oras nang naglutaw-lutaw sa dagat.
Sa viral nga video, makita ang mga pulis nga miduol sa lalaki aron siya luwason human kini namatikdan nga dugay nang anaa sa kadagatan.
Apan imbes nga emerhensya ang ilang masugatan, nasayran nga natulog ra diay ang lalaki samtang naglutaw sa tubig.
Gituohang nakainom kini sa wala pa makatulog sa dagat.
Wala usab gikumpirma kung adunay kadaot nga nahiagoman ang lalaki, apan malipayon nga natapos ang insidente human siya maluwas sa mga otoridad.
Usa kini ka pahimangno nga delikado ang pagkatulog o pagpalutang-lutaw sa dagat, ilabina kung nakainom, tungod kay bisan og wala’y nahitabo sa maong higayon, mahimo gihapon kini mosangpot sa grabeng peligro.