Nagmugna og kasaysayan ang usa ka singko (5)-anyos nga si Jodiel Chloe Banawa sa Alicia, Isabela human nakadaog og unom ka gold medals alang sa Pilipinas sa 24th ASEAN+ Age-Group Chess Championships sa Singapore.
Nakuha ni Banawa ang unom ka bulawang medalya sa individual ug team gold sa Standard, Rapid ug Blitz chess sa Girls Under-6 division, nga mao usab ang pinakadaghan nga gold medals nga nakuha sa usa ka miyembro sa Team Philippines.
Nahimo usab kining unang Pilipina nga nakadaog og individual gold sa Girls Under-6 division sa maong kompetisyon.
Si Banawa, nga pinakabata sa Philippine delegation, nakigkompetisyon sa Girls Under-6 division ug nakadaog og gold sa individual ug team competitions sa Standard, Rapid ug Blitz chess.
Kabahin ang iyang unom ka gold sa 83 medals sa Pilipinas, nga nakatampo sa nasud nga makuha ang ikaduhang pwesto sa overall standings.