Dungan nga gihatagan og pasidungog nga Best Actress in a Leading Role award sa Cinemalaya 2026 sila Pokwang ug Ruby Ruiz.
Si Pokwang, kansang tinuod nga ngalan mao si Marietta Subong, midaog alang sa iyang pagpakita sa pelikulang “Two Valid IDs,” samtang si Ruby Ruiz gihatagan og maong pasidungog alang sa “Status: Rejected.”
Atol sa iyang acceptance speech, gipasalamatan ni Pokwang ang iyang mga ginikanan, ang tibuok Cinemalaya team ug ang mga nagtrabaho sa “Two Valid IDs.”
Gipasalamatan usab niini ang mga manan-aw nga padayon nga nagsuporta sa mga pelikulang Pilipino bisan pa sa kalisod sa kinabuhi.
Naghatag usab kini og mensahe sa paglaom alang sa mga iyang gitawag nga “Sylvia” ug sa tanang Pilipino. Samtang, giingon ni Ruby nga ilabihan ka dako alang kahulugan alang kaniya ang Balanghay trophy tungod kay nagsimbolo kini sa dakong paningkamot sa mga filmmaker ug artista.
Sa iyang acceptance speech, naglomedyang miingon si Ruby, “Status: Accepted!” Gawas sa Best Actress award, nidaog usab ang “Two Valid IDs” sa Audience Choice Award ug Special Jury Prize. Samtang nakuha usab sa “Status: Rejected” ang NETPAC Jury Award.