Gipahibalo sa Department of Energy (DOE) nga ang mga motorista makasinati og rollback sa presyo sa lana sunod semana, human sa usbaw nga P5 nga pagsaka sa presyo matag litro nga gipatuan karong semanaha.
Matud sa DOE Oil Industry Management Bureau (DOE-OIMB) Director nga si Rino Abad, ang posibleng pagkunhod sa presyo sa lana ipatuman sa musunod nga semana diin ang gasolina mokunhod og P1 hangtod P1.40 matag litro, ang diesel anaa P1.60 hangtod P2.10 kada litro ang pagkunhod, ug ang kerosene mokunhod og P2 hangtod P2.20 matag litro.
Gipahayag ni Abad kaniadtong Hunyo 25 nga ang pag-ubos sa presyo sa lana sa internasyonal nga merkado may kalabutan sa ceasefire deal tali sa Israel ug Iran, nga misangpot sa pagkalma sa tensiyon sa Middle East diin usa sa mga dagkong tinubdan sa lana.
Apan, taliwala sa umaabot nga rollback, gibutyag sa mga motorista nga gamay ra kini nga kalipay tandi sa ilabihang kataas nga pagsaka sa presyo ning semanaha.
Bisan paman, gi-awhag sa DOE ang katawhan nga magmatngon ug magtipid sa paggamit sa lana samtang padayon nilang ginabantayan ang kalihukan sa presyo sa global market.