— Moabot sa 54 ka tawo ang kumpirmadong nakabsan sa kinabuhi ug kapin sa usa ka gatos ang naangol, samtang dul-an 13,000 ka tawo ang nawad-an og puy-anan human giigo sa usa ka kusog nga Magnitude 7.7 nga linog ang Isla sa Flores sa Indonesia.
Tungod sa pagkaguba sa mga balay ug sa natala nga kapin 1,600 ka mga aftershock, nagdumili sa pagpauli ang mga residente ug nagpabilin sa mga eskwelahan, opisina sa gobyerno, ug mga improvised nga tolda taliwala sa kabalaka alang sa ilang kasegurohan.
Sa kasamtangan, nagpadala na ang militar ug Air Force sa Indonesia og 13 ka toneladang emergency aid—sama sa pagkaon, tubig, ug tambal—pinaagi sa mga eroplano ug helikopter aron maabot ang mga hilit nga komunidad nga grabe usab nga naapektuhan sa kalamidad.