Sugdan na sa House of Representatives ang deliberasyon sa P7.2 trilyong proposed national budget para sa 2027.
Sumala kang Manila Representative Bienvenido Abante Jr., gitakda ni Nueva Ecija Representative Michaela Suansing, chairperson sa House Committee on Appropriations, ang pagsugod sa deliberasyon.
Niadtong miaging Martes, gisumite sa Kongreso ang National Expenditure Program o NEP, nga bersyon sa proposed budget gikan sa ehekutibong sangay sa gobyerno.
Samtang, gipasalig ni Senate Finance Committee Chairman JV Ejercito nga dili niya tugotan ang mga budget insertion atol sa bicameral conference committee kung wala kini gilakip sa budget version sa Senado o sa House of Representatives.
Gidasig usab ni Manila Representative Benny Abante ang pagbalik sa livestream sa Bicameral Conference Committee proceedings, aron masiguro nga makita sa publiko kung asa gikan, asa gigamit ug kinsa ang nagpatuman sa mga pondo sa national budget.