Gitin-aw sa Department of Justice nga dili ang gobyerno sa Pilipinas ang mogasto sa aktuwal nga extradition ni Pastor Apollo Quiboloy kung aprobahan sa korte ang hangyo sa Estados Unidos.
Gipasabot ni Chief State Counsel Dennis Arvin Chan nga ubos sa Philippine-United States Extradition Treaty, ang Pilipinas maoy mogasto sa pag-file sa extradition petition sa korte.
Apan ang gasto sa aktuwal nga pagbalhin o pagpadala sa extradited individual maoy sagubangon sa requesting state, nga sa maong kaso mao ang Estados Unidos.
Gisusi karon sa DOJ ang formal extradition request sa US aron masiguro kung nagsunod kini sa extradition treaty ug sa Philippine Extradition Law.
Human niini, tukion pa kung dad-on ang maong hangyo sa korte alang sa pinal nga desisyon.