South Korea Andam Makig-istorya sa North Korea aron Tapuson ang Panagbangi

Andam ang South Korea nga makig-istorya sa North Korea aron mapakunhod ang tensiyon ug tapuson ang panagbangi tali sa duha ka nasud.

Matud ni South Korean President Lee Jae Myung, gikinahanglan ang lig-on ug multi-layered nga sistema sa seguridad aron malikayan ang pagsamot sa tensiyon, ilabi na sa demilitarized zone o DMZ.

Naglatid usab si President Lee og praktikal nga paagi aron mapugngan ang nuclear ambitions sa North Korea, nga padayon sa ballistic missile testing nga gikabalak-an sa South Korea ug Japan.

Nahunong sa pagkakaron ang gubat sa duha ka nasud human sa 1953 armistice, apan wala sila makapirma og pormal nga peace treaty, busa teknikal nga nagpabilin ang kahimtang sa gubat.