Mikabat na sa 47 ang Namatay tungod sa Magnitude 7.7 nga Linog sa Indonesia

Misaka na sa 47 ang namatay human miigo ang magnitude 7.7 nga linog sa Indonesia, sumala sa National Disaster Management Agency (BNPB).

Gipaabot nga mosaka pa ang ihap sa mga namatay samtang daghan pa ang nasamdan. Grabeng kadaot usab ang nahiagom sa pipila ka mga building.

Gisundan ang linog sa magnitude 6.1 nga aftershock, hinungdan nga gipabalhin sa mga otoridad ang pipila ka residente ngadto sa mas luwas nga lugar.

Padayon ang search and rescue operation sa mga guba nga building aron pangitaon ang posibleng natabunan sa linog.