Nag-viral karon ang usa ka content creator nga mihilak sa iyang unang pagkaon og karne human sa 14 ka tuig nga pagka-vegetarian.
Si Love Soo, nga nailhan kaniadto isip “Mommy Tang,” unang nakatilaw og New York strip steak nga giluto sa iyang bana.
Sa wala pa ang unang kagat, makita nga nagkurog ug nahadlok si Soo, apan sa dihang nakatilaw na, nakahilak matud pa kini tungod kalami sa steak.
Giklaro niini nga iyang gibiyaan ang vegan lifestyle tungod sa dugay nang pagpugong sa iyang kaugalingon sa pagkaon. Matud ni Soo, nalambigit usab sa iyang veganism ang pangandoy nga mahimong mas muniwang busa gipili niya kini kaniadto.
Nagkalain-lain ang reaksyon sa mga netizens, diin adunay nag-unfollow kaniya apan daghan usab ang misuporta sa iyang personal nga desisyon.
Para sa iyang mga supporters, ang pagpili sa pagkaon ug lifestyle usa ka personal nga butang nga dili angay hukman sa uban.