Miabot na sa Manila ang NBA star ug Minnesota Timberwolves guard nga si Anthony Edwards alang sa iyang unang pagbisita sa Pilipinas.
Gipakita usab sa adidas ang mga litrato ni Edwards kauban ang mga Filipino content creators nga nagpakaaron-ingnon nga mga NBA star.
Highlight sa iyang pagbisita ang “Believe That, Tour” Fan Fest nga himuon karong Agosto 15 sa 5th Avenue ug C1 Park sa Bonifacio Global City, ug libre kini alang sa publiko.
Kabahin usab sa tour ang “Believe That. Challenge,” usa ka nationwide one-on-one basketball tournament diin ang mananaog makadawat og P100,000 nga cash prize ug championship crown gikan mismo kang Edwards.
Si Edwards, 24 anyos, maoy first overall pick sa 2020 NBA Draft ug nahimong usa sa mga nangunang batan-ong bituon sa liga.
Samtang, dako usab ang pagdawat sa mga Filipino basketball fans sa unang pagbisita ni Edwards sa Pilipinas.