Gik alarma sa Impasug-ong Municipal Police Station ang sunod-sunod nga insidente pagpangambak sa Atugan Bridge sa milabay nga mga adlaw. Tungod niini , gipahugtan ang seguridad palibot sa maong lugar aron dili na masubli ang mga panghitabo.
Sa pakighinabi sa Bombo Radyo Malaybalay ngadto ni PCPT Kier Jhon R. Hallasgo, hepe sa Impasug-ong MPS, nga sa kanunay naka-deploy ang mga sakop sa Revitalized Pulis sa Barangay sa amihanan ug habagatang bahin sa tulay, uban sa koordinasyon sa mga personahe gikan sa lokal nga pangagamhanan.
Matud pa sa opisyal, diin duha na ka indibidwal ang ilang naluwas karong tuiga ug giduso na nila kini sa buhatan sa Department of Social Welfare and Development kon (DSWD) alang sa counseling, samtang natala ang usa ka insidente niadtong Agosto 8.
Dugang pa niini, nanawagan ang kapulisan sa publiko nga mangayo og tabang sa pamilya, higala, o sa ubang mga ahensya diin nag-atubang sa bug-at nga kaguol, tungod kay ang pagpakamatay dili kini mao ang solusyon sa bisan unsang problema.