Nagpadayag og pagkadismaya ang defense team kalabot social media post ni private prosecutor Atty. Armando Ligutan bahin sa isyu sa “misleading questions” atol sa impeachment trial ni Vice President Sara Duterte.
Gisaway ni Defense lead counsel Atty. Sheila Sison ang maong lakang, ug gipasabot nga dili angay nga magpagawas og pamahayag nga mahimong hinungdan sa pag-atake batok sa susamang abogado samtang nagpadayon ang hearing.
Nalambigit usab sa isyu ang social media post ni private prosecutor Atty. Armando Ligutan bahin sa misleading questions. Gipanalipdan ni Ligutan ang iyang post ug miingon nga dili niya kini tangtangon.
Kahinumduman nga nagkabikil ang prosecution ug defense atol sa cross-examination kang COA auditor Xylene del Campo, human giingon ni Atty. Lorna Kapunan nga adunay limitasyon ang cross-examination ug dili tugotan ang misleading questions.
Nunot niini, gipahimangnuan ni Presiding officer Chiz Escudero nga dili tugotan nga musaka ang tensiyon tali sa duha ka banay. [