Giinsistir ni House Prosecution Panel Member Rep. Terry Ridon nga walay paglapas sa sub judice rule ang social media post ni Private Prosecutor Atty. Armando Ligutan, tungod kay wala man kini nagtumong sa partikular nga pangalan ug wala usab hisgoti ang merito sa nagpadayong impeachment case.
Gipatin-aw ni Ridon nga ang post ni Ligutan naghisgot lamang sa usa ka legal nga prinsipyo ug dili sa mga detalye sa kaso.
Matud ni Ridon, dili angay pasanginlan si Ligutan sa kontrobersiya tungod kay ang defense unta mipatin-aw kung unsa gyud ang ilang gitubag atol sa hearing.
Gipadayag usab ni Prosecution Legal Spokesperson Atty. Benjamin Tolosa nga normal lamang ang mga pagbinayloay ug panaglalis sa impeachment trial tungod kay adversarial proceedings kini diin nagkalahi ang posisyon sa prosecution ug defense.