Nasikop sa managlahing operasyon sa kapulisan ang upat ka mga indibidwal sa nagkadaiyang lugar sa Bukidnon.
Una, nadakpan sa Baungon ang 34-anyos nga si Jimmy Puclawan Dialon Jr., alias “Popoy,” tungod sa warrant of arrest alang sa kasong Reckless Imprudence Resulting to Homicide, nga adunay P10 mil nga piyansa.
Sa Don Carlos, boluntaryong misurender ang 55-anyos nga si Anastacio Bequilla Villareal, alias “Tasoy,” tungod sa kasong Concubinage nga adunay P45 mil nga piyansa, samtang nadakpan usab ang 41-anyos nga si Genelyn Hermita Pelipog nga may warrant alang sa susamang kaso ug walay piyansa nga girekomenda.
Samtang, nasikop sa Sumilao ang 49-anyos nga si Eleazar Dahinay Langue, alias “Elizar D. Langue,” tungod sa kasong Attempted Murder, nga adunay P10 mil nga girekomendang piyansa.
Ang upat ka mga nadakpan anaa na sa kustodiya sa tagsa-tagsa nilang police station alang sa dokumentasyon ug hustong disposisyon.