Gipaniguro ni Department of Justice (DOJ) Secretary Jesus Crispin Remulla, nga padayon ang ilang pakig-koordinar sa International Criminal Court (ICC) may kalabutan sa mga lakang alang sa pagpanalipod ug pagpaniguro sa kaluwasan sa mga testigo batok sa kanhing Presidente Rodrigo Duterte, nga kasamtangang giimbestigaran sa The Hague, Netherlands.
Matud ni Secretary Remulla, duha na ka buwan ang milabay sukad nagsugod ang opisyal nga komunikasyon tali sa DOJ ug ICC niadtong buwan sa Mayo.
Ang maong panag-uban gitumong sa pagpalig-on sa Witness Protection Program sa pagamhanan, ilabi na sa mga testigong naghatag og impormasyon kabahin sa mga alegasyon batok sa kanhing Presidenti.
Gipasabot usab ni Remulla, nga walay kalibog o kontradiksiyon sa baruganan sa Pilipinas bisan pa sa aktibong pakig-istorya niini sa ICC.
Dugang pa niini, nga kini nga panag-uban usa ka pamaagi sa hustisya ug proteksyon sa mga testigo, ug dili kini nagpasabot nga may pag-usab sa opisyal nga posisyon sa nasud bahin sa ICC.