Thailand, mapahugot sa seguridad sa pagdala ug armas human sa mass shooting

Misaad si Thai Prime Minister Anutin Charnvirakul nga magpatuman ug mas hugot nga mga polisiya sa pagpanag-iya ug pagdala ug armas human sa mass shooting sa Nonthaburi nga mipatay sa walo ka tawo ug nakasamad sa 22.

Sumala sa pulisya, usa ka 14-anyos nga estudyante ang suspek nga una giingong mipatay sa iyang mga apohan sa wala pa kini miadto sa Debsirin School ug pusilon ang lima ka magtutudlo.

Ang pusil ug bala nga gigamit legal ug rehistrado sa ngalan sa iyang apohan.

Lakip sa plano sa gobyerno ang paglimitar sa pagdala ug armas sa publiko, diin mga opisyal sa gobyerno nga anaa sa katungdanan lamang ang tugotan nga magdala niini.