Gipasa sa Barangay Landan sa Polomolok, South Cotabato ang Anti-Gossip Ordinance aron mapakunhod ang mga away ug dili pagsinabtanay tali sa mga silingan.
Sumala sa otor sa ordinansa nga si Barangay Kagawad Joey Salazar Minggito, daghang reklamo sa barangay ang nagsugod sa bakak ug makadaot nga mga istorya.
Gipasabot ni Minggito nga dili bawal ang kagawasan sa pagpahayag, apan gipuntirya sa ordinansa ang makadaot nga tsismis nga mapamatud-an human sa imbestigasyon.
Gi-aprobahan sa Sangguniang Bayan sa Polomolok ang ordinansa niadtong Hulyo 10, 2026. Ubos sa ordinansa, P1,000 ang multa sa unang paglapas ug P1,500 sa ikaduhang paglapas.
Mahimo usab nga suguon ang nakalapas nga mangayo og public apology sa social media.
Gilauman sa mga opisyal nga makatabang kini sa pagpakunhod sa panagbangi ug pagpalig-on sa maayong relasyon sa mga silingan.