Gisupak sa Mayor ning Dakbayan sa Malaybalay ang mga panukalang magpalangan sa Barangay ug Sangguniang Kabataan Elections (BSKE), ug giingong mas pabor siya sa regular nga pagpahigayon sa eleksyon sumala sa gitakdang iskedyul.
Sa eksklusibong sa pakighinabi sa Bombo Radyo Radyo Mayor Jay Warren Pabillaran, gisulti niini nga wala kini personal nga opinyon batok sa mga gisugyot nga balaod sa Kongreso maoy adunay katungod sa pagdesisyon niini.
Dugang pa niini, maayong ipadayon ang regular nga eleksyon aron padayon nga mahatagan og higayon ang katawhan sa pagpili sa ilang mga lider.
Sa pikas bahin, nagpabilin sa pagpangandam ang Commission on Elections (Comelec) sa Malaybalay City alang sa Barangay ug Sangguniang Kabataan Elections (BSKE) nga gitakda sa unang Lunes sa Nobyembre 2026, taliwala sa hungihong kalabot sa sugyot balaodnon nga nagtinguha sa pag-isbog sa eleksyon.
Matud ni Comelec Malaybalay Election Officer Atty. Danilo Dividina, ang Republic Act 12232 sa gihapon ang ilang ligal nga basihan, diin gitakda ang pagpahigayon sa BSKE sa unang Lunes sa Nobyembre 2026, busa padayon ang ilang mga pagpangandam samtang wala pay bag-ong balaod nga mapatuman.
Gipasabot usab ni Dividina nga bisan adunay mga House Bill ug Senate Bill nga nagtinguha sa pagpalangan sa BSKE, wala pa kini mahimong balaod, hinungdan nga ang Comelec magpadayon sa pagsunod sa kasamtangang iskedyul.