US palapadan ang social media screening sa mga foreign journalists

Palapadon sa U.S. State Department ang pagsusi sa social media accounts sa mga foreign journalist nga nag-aplay og visa aron makatrabaho sa Estados Unidos.

Ubos sa pinalapad nga polisiya sa administrasyon ni U.S. President Donald Trump, kinahanglan himuong publiko sa mga aplikante ang ilang social media accounts alang sa beripikasyon.

Ipatuman usab kini sa pipila ka work visa applicants gikan sa Canada ug Mexico.

Miingon ang U.S. State Department nga tumong sa online screening ang pagpanalipod sa nasudnong seguridad, bisan pa adunay mga grupo nga nabalaka nga mahimo kining makaapekto sa freedom of speech.