Gikondena sa Ukraine ang giingong tinuyo nga pag-atake sa Russian drone batok sa mga sibilyan sa Kherson City human mikatag ang bidyo nga nagpakita sa usa ka magbabaligya og utanon nga gigukod ug naangol sa drone.
Sumala sa mga opisyal sa Ukraine, naluwas ang 52-anyos nga biktima apan nakaangkon og samad tungod sa pagbuto, shrapnel injuries, ug concussion.
Giingong ang drone mibuto duol kaniya samtang naningkamot siyang mokalagiw.
Gihulagway ni Ukrainian President Volodymyr Zelenskyy ang insidente isip pamatuod sa giingong padayon nga pag-atake sa Russia batok sa mga sibilyan, samtang gitawag kini sa Foreign Ministry nga usa ka war crime.
Nanawagan ang Ukraine sa internasyonal nga komunidad nga kondenahon ang insidente ug ipapanubagon ang mga responsable sa maong giingong pag-atake.