Tubig nga gihumulan og tiil sa mga cosplayer, gibaligya sa anime convention sa China

Nakapukaw og kasuko sa China ang pagbaligya sa pipila ka babayeng cosplayer og ilimnon nga giingong gikan sa tubig nga gihumulan sa ilang mga tiil atol sa Firefly Comic Convention sa Guangzhou. 

Sa mikaylap nga mga litrato ug bidyo, makita ang mga cosplayer nga naghumol sa ilang tiil sa tubig, nga dayon gibubo sa disposable cups ug gibaligya sa kantidad nga 50 yuan o kapin P400 matag baso.

Bisan og adunay mipalit ug mipila aron motilaw, daghang netizens ang mikondena sa maong kalihokan ug mitawag niini nga hugaw ug dili angay sa usa ka pampublikong kalihokan.