Mitambong ang pinakataas nga lider sa Kristiyanong simbahan sa Syria sa lubong sa mga biktima sa natigayong pagpamomba sa simbahan.
Ang gobyerno ni Presidente Ahmed al-Sharaa napakyas sa katungdanan sa pagpanalipod sa mga minoriya, ug ang iyang pagpadayag sa kalooy dili igo.
Kahinumdumang patay ang 25 ka kristiyano human mibusikad ang usa ka suicide bomber sa simbahan sa Mar Elias sa Damascus.
Giakusahan sa gobyerno ang militanteng grupo nga Islamic State sa maong pagpangatake nga naghatag og dugang nga kabalaka sa mga minoriya sa pasalig sa gobyerno sa ilang seguridad.
Matud ni Greek Orthodox Patriarch sa Antioch, John (X) Yazigi, uban sa gugma ug dako nga pagtahod sa Presidente, mitawag kini aron ipadayag ang simpatiya, apan dili igo kini alang sa mga kaubanan sa simbahan.
Dugang pa niini, mapasalamaton sila sa tawag sa Presidente, apan ang krimen nga natigayon usa ka butang nga hatagan og dakong atensyon.
Gikondena sa U.S. State Department nga si Tammy Bruce ang maong pag-atake nga usaka brutal ug huyang nga binuhatan.
Nanawagan usab ang gobyerno sa Syria nga dakpon ang tanang responsable ug siguruhon ang seguridad sa tanang Syrian, lakip na ang mga relihiyoso ug etnikong minoriya.
Dugang pa niini, nagpadayon ang suporta sa Washington alang sa gobyerno sa Syria samtang kini nakigbatok aron mapakgang ang pagkaylap sa kagubot ug kahadlok sa nasud ug sa tibuok rehiyon.
Matud ni Yazigi nga ang gobyerno kinahanglan mag-una sa pagpanalipod sa tanan ug ang gobyerno adunay tibuok nga katungdanan mahitungod sa maong pag-atake sa simbahan.
Gatusan ang mitambong sa seremonya sa simbahan sa Holy Cross sa siyam nga ilubong nga mga biktima kansa gibutang sa puti nga lungon nga adunay puti nga bulak.
Mitambong usab ang minister sa social affairs nga si Hind Kabawat, ang bugtong Kristiyano ug babaye sa bag-ong kabinete sa Syria. Matud ni Sharaa nga ang pag-atake usa ka krimen nga nakasakit sa tanang Syrian, apan wala niini gamita ang mga pulong nga Kristiyano o simbahan.