Rollback sa presyo sa petrolyo, gilauman sunod semana

Gilauman nga mous-os ang presyo sa mga produktong petrolyo sa sunod semana human mikalma ang epekto sa tensiyon sa Middle East sa presyo sa lana sa kalibutan.

Base sa unang forecast sa Department of Energy (DOE), posibleng mokunhod ang presyo sa gasolina og P0.80 matag litro, diesel og P0.50 matag litro, ug kerosene og P2.30 matag litro.

Matud sa DOE, ang rollback resulta sa pagkunhod sa presyo sa lana sa world market tungod sa nagkadakong paglaom sa usa ka ceasefire tali sa Estados Unidos ug Iran.

Samtang, usa ka tinubdan sa oil industry ang nag-ingon nga ang rollback sa gasolina mahimong mokabat og P1.00 hangtod P1.50 matag litro, ug diesel nga anaa sa P0.50 hangtod P1.00 matag litro.