Natala ang South Korea sa labing taas nga temperatura sa kasaysayan human misaka sa kapin 41 degrees Celsius ang kainit tungod sa grabeng heatwave.
Sumala sa Korea Meteorological Administration (KMA), nalabwan niini ang miaging nasudnong rekord nga 41.0 degrees Celsius nga natala niadtong 2018.
Sulod sa tulo ka sunod-sunod ka adlaw, milapas sa 40 degrees Celsius ang temperatura sa Yangsan tungod sa grabeng heatwave nga nakaigo sa dakong bahin sa nasud.
Tungod niini, gipataas sa KMA ang labing taas nga lebel sa heatwave warning sa pipila ka mga lugar sa South Gyeongsang Province, samtang nagpabilin usab ang mga pasidaan sa tibuok nasud.
Gibutyag nga ang grabeng kainit resulta sa pagdungan sa North Pacific High ug Tibetan High pressure systems, nga nagkupot sa init nga hangin ug nakababag sa pagporma sa mga panganod.Â