Atty. Baligod ug 18 nga kanhing bodyguards , gikasuhan na – DOJ

Gikumpirma sa Department of Justice (DOJ) nga napasakaan na og kasong cyber libel ug perjury ang 18 nga giingong kanhing bodyguards ni kanhi Ako Bicol Party-list Rep. Zaldy Co ug ilang abogado nga si Atty. Levito Baligod.

Sumala ni DOJ Spokesperson Atty. Polo Martinez, pormal nang gisang-at ang mga kaso sa Regional Trial Courts sa Caloocan City, Las Piñas City, Muntinlupa City, ug San Juan City. Ang 18 ka kanhing bodyguards ug si Atty. Baligod gilakip isip mga kaubang akusado sa maong mga kaso.