Mipukaw sa atensyon sa social media ang award-winning actor nga si Dennis Trillo human niini nga gisaway ang pipila ka netizens nga naghatag og insensitibo nga mga komento bahin sa anak sa iyang asawa nga si Jennylyn Mercado.
Nag-post si Jennylyn og video sa ilang bonding sa iyang mga anak nga sila si Alex Jazz ug Calix samtang misuroy sa usa ka mall. Si Jazz, 16 anyos, anak ni Jennylyn sa kaniadto sa uyab nga si Patrick Garcia, samtang si Calix, 17 anyos, anak ni Dennis sa iyang kanhing partner nga si Carlene Aguilar.
Sa post niini, malipayon matud pa kini nga kauban ang mga anak sa pagpamalit og mga gamit sa usa ka tindahan sa mall. Pipila ka mga netizens ang mihatag og dili maayo nga komento bahin sa lihok ni Jazz, gumikan daw ‘abnormal’ kon autistic ang anak ni Jen.
Gitubag kini ni Dennis og adunay ba kini problema sa Autism? Tungod sa maong insidente, gitangtang na ang mga komento sa post ni Jennylyn, apan aduna na’y nakakuha og screenshot niining mga komento ug nagpakita sa ilang suporta sa magtiayon ug sa ilang maayong pag-atiman ni Jazz.
Usa sa mga netizen mipost usab sa suporta sa magti-ayon, diin dili angay nga hukman ang tawo og aduna ba kini diperensya o wala, og mas maayo nga adunay patas nga pagtagad isip normal nga indibidwal.
Gidayeg usab ang magtiayon sa mga netizens sa ilang paningkamot nga mapadako kini nga puno sa respeto ug pag-amuma.