Milurang ang pagpabomba sa Iran ngadto sa nasud sa Israel. Matud ni Sherly Catubay, Bombo International News Correspondent sa Israel, nga migamay na ang ihap sa bomba nga ginapadala sa Iran apan giingong mas delikado na kini gumikan niupgrade na ang ballistic missiles sa sejjil missiles.
Apan, nigaan ang ginhawa sa mga OFW sa Israel mahitungod gipabombahan usab sa US ang nuclear site sa Iran.
Dugang pa niini, nga dili tapuson sa Prime Minister sa Israel nga si Benjamin Netanyahu, ang gyera kung dili mahurot ang terorista ug dili mabalik ang mga hostages.
Taliwala sa gyera sa duha ka nasud, dunay mga OFW nga nagpabilin sa Israel gumikan sa trabaho ug dako nga kinitaan diin gikaingon nga og mupauli sa Pilipinas dili igo ang repatriation assistance sa gobyerno aron malungtarong masustentohan ang mga panginahanglanon sa pamilya.
Apan, duna usab uban nga mipauli, gani dunay 26 na nga boluntaryo mipauli ug dunay kompirmadong mupauli sa mga umaabot nga adlaw.