Gipaniguro sa gobyerno sa Pilipinas nga matabangan ang mga OFWs sa Israel pinagi sa programa alang sa repatriation, apan nagdumili ang mga OFWs gumikan dili igo ang maong hinabang sa pagsustento sa ilang pamilya.
Matud ni Rosanna Shema, Bombo International News Correspondent sa Israel, ang hinabang sa gobyerno temporaryo lamang matud pa ug dili igo nga makasustento sa tibuok pamilya.
Miluwat usab si Shema, nga wala ra katunga ang hinabang sa gobyerno sa kinitaan sa mga OFW sa Israel.
Sigon ni Shema, mas pilion sa mga OFW ang kahimtang sa Israel gumikan pinaagi niini sigurado nga dili magutman ang pamilya sa Pilipinas taliwala sa kalisod ug delikado nilang kahimtang sa Israel.
Gani, miuyon si Shema sa sugyot ni President Ferdinand Marcos,Jr. nga dili mandatory nga papaulion ang mga OFWs sa Israel gumikan gikaingong mas delikado matud pa ilang kahimtang sa PIlipinas sa higayong wala na silay tarong trabaho, gamay nga kinitaan ug posible pa gayod nga magutman ang ilang pamilya.