Iran, dili mo-surrender ug dili magpakita ug kaluoy sa Israel;Trump, napungot na sa Iran!

Padayon ang paningkamot ni U.S President Donald Trump nga mahunong ang mga giyera taliwala sa nagkadakong tensyon tali sa pipila ka mga nasud.

Apan, desidido ang Iran nga ipadayon ang pakig-away batok sa Israel human miluwat si Trump nga hapit na mahurot ang ilang pasensya.

Kini human magpagawas ang Iran og mga hypersonic ug long-range missiles batok sa Israel busa gisugyot ni Trump nga ihunong ang pagpambomba gumikan sa dakong damyos nga natala. 

Hingpit ang baruganan sa Iran nga dili sila musurender ug wala silay plano nga itugyan ang bisan unsang teritoryo sa nasud niini ngadto sa Israel. 

Sa usa ka televised address, giingon ni Supreme Leader Ayatollah Ali Khamenei nga dili gayud sila mosurender, ug  dili madawat niini ang panawagan ni Trump alang sa Unconditional Surrender sa Tehran human nahimong target sa Israel aron bungkagon ang internal security sa Iran.

Dugang pa ni Khamenei nga dili sila magpakita og kaluoy sa Israel ug magpabiling lig-on bisan pa unsay mahitabo.

Kabahin niini,  gikumpirma sa usa ka Israeli military official nga kapin sa 400 ka ballistic missiles ug 1,000 ka drones na ang gibuhian sa Iran sukad niadtong Biyernes.

Gibana-banaang  anaa na 20 ka missiles ang miigo sa mga sibilyan sa Israel.

Sa pagkakaron walay pay klarong impormasyon mahitungod sa U.S kun musalmot ba kini sa pagpildi sa Iran sanglit dili kini musanong sa mga hangyo ug panawagan nga ihunong ang pagbomba sa Israel.