Super Typhoon Bavi, miigo sa Isla sa Rota sa U.S.

Gikuso-kuso sa Super Typhoon Bavi ang Isla sa Rota sa U.S. dala ang huros sa hangin nga miabot sa 290 kilometros matag oras (kph), sumala sa National Weather Service.

Nagpahimangno na ang mga otoridad sa publiko nga mag-amping tungod sa dakong hulga sa kinabuhi ug kabtangan dala sa hangin nga milapas sa 240 kph ug sa walay hunong nga ulan.

Liboan na ka molupyo sa Guam ug Northern Mariana Islands ang daling nanghikling sa mga evacuation center.

Gikabalak-an nga human sa bagyo, magpabiling putol ang linya sa kuryente ug komunikasyon sulod sa pipila ka semana o bulan tungod sa nangatumbang mga kahoy, poste, ug naguba nga kabalayan.