Nangandam na ang New York alang sa usa sa pinakadakong kasal sa mga sikat nga personalidad karong tuiga, diin gilauman nga magpakasal sila Taylor Swift ug Travis Kelce sa Madison Square Garden.
Gibanabana nga mokabat sa 1,000 ka bisita ang motambong sa maong selebrasyon, lakip ang daghang bantugang personalidad sa industriya sa kalingawan.
Lakip sa gilaumang motambong sila Gigi Hadid, Selena Gomez, ug Zoë Kravitz, samtang gilauman usab ang mga performances gikan nila Stevie Nicks, Tim McGraw, Ed Sheeran, ug Paul McCartney isip kabahin sa maong labing importante ug engrandeng selebrasyon.
Namatikdan usab ang pagdagsa sa mga trak, kagamitan, ug seguridad sa palibot sa Madison Square Garden, uban sa temporaryong pagsira sa pipila ka mga dalan sa lugar.
Sa pagkakaron, wala pa’y opisyal nga pahayag sila Taylor Swift ug Travis Kelce bahin sa tanang detalye sa ilang kasal.