Gisalikway sa Malacañang ang alegasyon nga adunay selective justice ubos sa administrasyon ni Pangulong Ferdinand Marcos Jr., isip tubag sa gipaulan nga batikos kampo sa Iglesia ni Cristo.
Matud ni Palace Press Officer Undersecretary Claire Castro, ang pagpasaka og kaso batok sa mga kaalyado sa administrasyon nagpakita nga ang balaod patas nga ipatuman sa tanan kung adunay igo nga ebidensya.
Dugang pa ni Castro, ang kasong plunder batok kang Senador Rodante Marcoleta nalambigit sa iyang pag-angkon nga nakadawat siya og ₱75 milyon nga donasyon gikan sa tulo ka donors sa panahon nga kongresista pa siya.
Giawhag usab sa Malacañang si Marcoleta nga itugyan na lamang ang kaso sa korte ug tugotan ang legal nga proseso.
Samtang padayon usab ang imbestigasyon sa administrasyon sa giingong mga iregularidad sa flood control projects aron mapanubag ang mapamatud-ang responsable.