Walay paglurang ang kabalaka sa mga Pilipino sa Israel sa padayong pagka agresibo sa Iran sa nagapadayon nga gira.Sumala ni Romeo Bunhian Bombo International Correspondent sa Israel, tibook adlaw ang pag-atake Iran kanila nga anaa sa Israel.
Giangkon usab ni Bunhian nga nagproblema sila karon sa pweding kataguan sa matag buhi sa Iran ug missiles nga punting sa ilang lugar. Kini gumikan kay sa ilang area sa Haifa City, Israel ang mga dakbalay kasagari walay mga shelters maong sa sinugdanan mudagan lamang ang mga tawo padulong sa basement sa matag building.
Pero sa kasamtangan nga sitwasyon naningkamot sila nga magpatabang sa mga pribadong indibidwal nga dunay mga shelters nga pwedi nilang kataguan.
Gikumpirma usab ni Bunhian nga tungod sa pagkadamyos sa pinakadakong oil refinery sa Israel nga naa sa Haifa City , gi-shutdown na ang tanan refinery ug ang Haifa Port facilities.