- Advertisement -
Misaka na ngadto sa 224 ang namatay sa Iran samtang 24 ang namatay sa Israel sa nagpadayong giyera sa duha ka nasod. Apektado ang upat ka lugar sa sentrong bahin sa Israel, lakip na ang Tel Aviv ug Bat Yam.
Ang pag-atake usa ka panimalos sa Iran tungod sa mga Israeli airstrike nga miigo sa ilang nuclear facilities. Ang Iran mitubag pinaagi sa daghang pagtira ug missiles ug nagpagawas og pasidaan nga posibleng mosunod ang mas grabing kagubot.
Mitubag usab si Israeli Defense Minister Israel Katz ug nagkanayon nga mag-antos og grabeng silot ang mga lumulupyo sa Tehran tungod sa pagpamatay sa mga sibilyan.
- Advertisement -
Sa laing bahin, miingon si Israeli Prime Minister Benjamin Netanyahu nga gituyo gyud sa Iran ang pagtira sa mga inosenteng sibilyan.
- Advertisement -