Nasinati sa four-time world champion nga Germany ang usa ka dakong upset human sila pildihon sa underdog team nga Paraguay pinaagi sa usa ka kulbahinam nga penalty shootout, 4-3, sa Boston Stadium atol sa ilang engkwentro sa Round of 32 sa FIFA World Cup 2026.
Unang nakapuntos ang Paraguay sa ika-42 nga minuto sa dula human gipasulod ni Julio Enciso ang usa ka solidong header gikan sa pass ni Matías Galarza aron kuptan ang labaw sa halftime. Apan daling rumesbak ang Germany sa second half diin naitabla sa ilang forward nga si Kai Havertz ang iskor ngadto sa 1-1 sa ika-54 nga minuto gamit usab ang usa ka header. Tungod sa maong tabla, nalahutay ang dula ngadto sa 30-minute extra time diin nahimong kontrobersyal ang pag-disallow sa VAR sa unta “winning goal” sa Germany pinaagi ni Jonathan Tah tungod sa giingong foul sa goalkeeper.
Sa gihimo nga penalty shootout, hingpit nga gipalagpot ang Germany human maselyuhan ni Paraguay substitute José Canale ang makasaysayahong daog pinaagi sa pagpasulod sa winning penalty kick batok sa legendary keeper nga si Manuel Neuer. Tungod niining maong kapildihan, pakyas ang Germany nga makasulod sa Round of 16 sa tulo na ka sunod-sunod nga edisyon sa World Cup tournaments.