Gipahibalo sa Department of Tourism (DOT) nga duna’y duha ka sikat nga P-pop group ang napili aron mahimong bag-ong tourism ambassadors sa Pilipinas, apan wala pa una gihisgutan sa ahensya kung kinsa kini nga mga grupo.
Sumala ni Tourism Secretary Dita Angara-Mathay, pormal nilang ipahibalo ang mga pangalan karong umaabot nga Huwebes o Biyernes. Gipasabot niya nga dako og bilyu o bili ang musika aron mapalaganap ang kaanindot sa nasod, ug pinaagi sa paghiusa sa musika ug mga hulagway sa Pilipinas, makamugna kini og nindot nga pagbati nga magpabilin sa kasingkasing sa mga domestic ug international nga mga turista.
Bisan pa man og gitago pa ang maong mga grupo isip surpresa, naghatag og tipik nga timailhan o clue ang kalihim nga duna na sila’y gipahalipayan nga grupo sa social media tungod sa kalamposan niini sa tibuok kalibutan. Tungod niini, kusog ang pagduda nga usa sa maong mga grupo mao ang sikat nga girl group nga BINI, nga una na usab nga gipahayag sa DOT nga gusto nilang makuha isip mga endorser human sa malampuson niining pasundayag didto sa Coachella sa Estados Unidos.