Nagpagawas og forecast kun banabana ang Bangko Sentral ng Pilipinas (BSP) nga ang inflation rate alang sa kasamtangang bulan sa Hunyo 2026 gilauman nga mosantop sa taliwala sa 6.0 hangtod 7.0 porsyento.
Sumala sa sentral nga bangko, makatabang sa pagpaubos sa inflation ang nakitang pag-ubos sa presyo sa lokal nga petrolyo ug pipila ka nag-unang pagkaon sama sa bugas ug karne. Apan, gilauman usab nga mosaka ang bayronon sa kuryente ug ang presyo sa mga utanon, diin mamahimo kining mosumpo o makababag sa maong pag-us-os sa presyo sa palitonon.
Tungod niini, nagpabiling mapagbantay ang BSP ug padayong mosubay sa mga bag-ong datos mahitungod sa inflation ug ekonomiya sa nasod. Gidugang sa mga otoridad nga hugot usab nilang gibantayan ang mga kagubot karon sa Middle East nga posibleng magdala og dako nga epekto sa presyo sa lana sa merkado. Matod sa Development Budget Coordination Committee (DBCC), gilauman nga mous-os ang inflation ngadto sa 4% hangtod 5% sa tuig 2027, sa dili pa kini hingpit nga mobalik sa normal nga target nga 2% hangtod 4% sa tuig 2028.